Bu ölkədə bütün koronavirus xəstələri sağaldı

Kambocada koronavirusa yoluxan bütün xəstələr müalicə olunaraq sağalıb.

"Qanunyolu.info.az", "Qafqazinfo"-ya istinadən xəbər verir ki, bu barədə Kambocanın Səhiyyə Nazirliyinin internet saytında məlumat verilib. Açıqlamada qeyd olunub ki, bu gün sonuncu pasiyent xəstəlikdən sağalaraq evinə buraxılıb:"Pandemiyanın başlamasından bu günə qədər koronavirusa yoluxma faktı aşkarlanan və xəstəxanalarda müalicə alan 122 pasiyentdən 122-si də tam sağalaraq evinə buraxılıb".

Ölkədə koronavirusdan bu günə qədər heç bir ölüm faktı qeydə alınmayıb.