Bu ölkədə 3 gündür ki, koronavirusdan ölən yoxdur

Taylandda artıq üç gündür ki, koronavirus infeksiyası nəticəsində ölüm faktı qeydə alınmayıb.

"Qanunyolu.info.az", “Qafqazinfo”-ya istinadən xəbər verir ki, bu barədə Taylandın koronavirusa qarşı mübarizə mərkəzinin mətbuat katibi Thavisin Visanuyothin açıqlama verib.

“Bu gün Taylandda 27 yeni yoluxma faktı qeydə alınıb və ardıcıl üçüncü gündür ki, koronavirusdan heç bir ölüm halı baş verməyib”.

Bildirilib ki, ölkədə bu günə qədər 2 792 insan koronavirusa yoluxub, 47 nəfər xəstəlik səbəbindən həyatını itirib. Ümumilikdə 1 995 pasiyent isə sağalaraq evinə buraxılıb.

Qeyd edək ki, dünya üzrə koronavirusa yoluxanların sayı 2 407 699-a çatıb, 165 093 nəfər isə xəstəlik səbəbindən həyatını itirib.