Şəhidlərlə vida mərasimi keçirildi - Video + Fotolar

Ötən gün Xızıda helikopter qəzası zamanı şəhid olan 14 hərbçi ilə vida mərasimi keçirilir.

"Qanunyolu.info.az" xəbər verir ki, mərasimdə şəhidlərin qohumları, dostları, dövlət rəsmiləri iştirak edir. Artıq şəhidlərimizin nəşi Dövlət Sərhəd Xidmətinin Sərhədçi İdman Kompleksinə gətirilib.

Şəhidlər daha sonra İkinci Şəhidlər xiyabanında dəfn ediləcək.

Dövlət Sərhəd Xidmətinin Kadrlar Baş İdarəsinin rəisi, general-mayor Ayaz Hüseynov çıxış edərək şəhid hərbçilər haqda bioqrafik məlumat verib.

Dövlət Sərhəd Xidmətinin rəisi, general-polkovnik Elçin Quliyev şəhid ailələrinə yaxınlaşaraq onlara başsağlığı verib:

“Əmin ola bilərsiniz ki, Azərbaycan sərhədçiləri onların Vətənə göstərdiyi xidmətləri yaşadaraq gənc nəslə ötürəcəklər. Vətən sağ olsun”.

Allah rəhmət eləsin!