Mais Mənsimov ordumuza və İzmirdə zərərçəkənlərə yardım etdi

Türkiyənin Lənkərandakı fəxri konsulu Mais Mənsimov Azərbaycan Silahlı Qüvvələrinə Yardım Fonduna ianə edib.

"Qanunyolu.info.az", “Qafqazinfo” -ya istinadən xəbər verir ki, M. Mənsimov fonda 15 min manat vəsait köçürüb.

Fəxri konsul, eyni zamanda oktyabrın 30-da Türkiyənin İzmir şəhərində baş verən zəlzələdə zərərçəkənlərə 70 min TL dəyərində yardım edib.

Qeyd edək ki, Silahlı Qüvvələrə Yardım Fondu Azərbaycan Prezidentinin 2002-ci il 17 avqust tarixli Fərmanı ilə Silahlı Qüvvələrin müasir tələblər səviyyəsində inkişafını təmin etmək, onun maddi-texniki bazasını möhkəmləndirmək və zəruri sosial tədbirləri maliyyələşdirmək məqsədilə yaradılıb.