Türkiyədə ictimai nəqliyyatla bağlı yeni qadağa

Türkiyədə koronavirusa yoluxma və ölüm sayında artım olduğundan bəzi məhdudiyyətlər tətbiq ediləcək.

"Qanunyolu.info.az", “Qafqazinfo” -ya istinadən xəbər verir ki, Prezident Rəcəb Tayyib Ərdoğan Nazirlər Kabinetinin toplantısından sonra bəzi qərarları açıqlayıb. Belə ki, ictimai nəqliyyatda ayaqüstə sərnişin daşınmasına icazə verilməyəcək.

“Biz Covid-19-a yoluxma sayında artım müşahidə edirik. Bu səbəbdən pandemiya əleyhinə tədbirləri gücləndirmək qərarına gəldik. Kafe və restoranlara daha ciddi nəzarət olunacaq. Heç bir halda ictimai nəqliyyatda ayaqüstə sərnişin daşınmasına icazə verilməyəcək”, - deyə Ərdoğan qeyd edib.

Bundan başqa, bildirilib ki, maska və sosial məsafə qaydalarına riayət etməyən vətəndaşlar mütləq qaydada cərimələnəcəklər.