Ali Rada onların istefasını təsdiqlədi - Yenilənib

Ukraynanın xarici işlər naziri Dmitri Kuleba vəzifəsindən azad edilib.

“Qanunyolutv.az” xəbər verir ki, bu barədə deputat Yaroslav Jeleznyak sosial şəbəkədə məlumat yayıb.

O bildirib ki, Ukrayna Ali Radası Kulebanın istefasını təsdiqləyib.

240 deputat Kulebanın vəzifədən getməsinin lehinə səs verib.

Jeleznyak əlavə edib ki, Kuleba Ali Radanın iclasına qatılmayıb.

Xatırladaq ki, Dmitri Kuleba sentyabrın 4-də istefa verməsi barədə ərizə yazıb və Radaya təqdim edib.

Ali Rada ölkənin baş nazirinin müavini, reinteqrasiya məsələləri üzrə nazir İrina Vereşukun istefasını qəbul edib.

255 deputat bu qərarın lehinə səs verib.

Qeyd edək ki, İrina Vereşuk sentyabrın 3-də istefa ərizəsini yazıb. Elə həmin gün ərizə Ali Radaya təqdim edilib.