Ötən il iyunda 4055 nəfər, bu il isə 6203 nəfər ölüb

Azərbaycanda COVID-19 yayıldıqdan sonra bu virus səbəbindən baş verən ölümlərin ümumi olaraq ölkədəki stabil ölüm sayına necə təsir etdiyi zaman-zaman müzakirələrə səbəb olub. Pandemiyanın yayıldığı ilk vaxtlarda bəzən ölüm sayının şişirdildiyi, hətta digər səbəblərdən ölənlərə pul verilərək onların koronavirus xəstəsi kimi yazılması barədə şayiələr də yayılırdı. Daha sonra isə əslində ölənlərin çox olduğu, rəqəmlərin gizlədildiyi şayiələri yayılmağa başladı.

"Qanunyolu.info.az", “Qafqazinfo”nun verdiyi xəbərə istinadən, iqtisadçı-ekspert Toğrul Vəliyev Statistika Komitəsinə istinadən hesablama aparıb.

O bildirib ki, 2020-ci ilin iyun ayında Azərbaycanda 6203 ölüm faktı qeydə alınıb: “Müqayisə üçün, 2019-cu ilin iyun ayında bu göstərici 4055, 2014-2019-cu illərdə iyun ayı üzrə orta ölüm göstəricisi 4040 təşkil edib. Başqa sözlə, bu ilin iyununda “artıq” ölüm 2163 təşkil edib. TƏBİB-in verdiyi məlumata görə, 2020-ci ilin iyun ayında COVID-19 xəstəliyi təsdiqlənmiş 150 nəfər vəfat edib”.