Serj Sarkisyanın ölkədən çıxışına qadağa qoyuldu

İrəvanda məhkəmə Ermənistanın sabiq prezidenti Serj Sarkisyanın ölkədən çıxışına qadağa qoyub.

“Qanunyolutv.az” xəbər verir ki, bu barədə məlumatı Ermənistanın Antikorrupsiya Komitəsi yayıb.

Serj Sarkisyan ölkənin digər eks-prezidenti Robert Koçaryan barəsində vəzifə səlahiyyətlərindən sui-istifadə ilə bağlı başladılan cinayət işində iştirak edir.

Xatırladaq ki, avqustun 25-də Robert Koçaryan barəsində vəzifə səlahiyyətlərindən sui-istifadə, rüşvət alma və çirkli pulların yuyulması ilə bağı cinayət işləri başladılıb. O, dünən saxlanılıb və hazırda səhhətinin pisləşməsi səbəbindən xəstəxanadadır. İş üzrə Robert Koçaryanın böyük oğlu Sedrak barəsində 2 ay müddətinə həbs qətimkan tədbiri seçilib.