Bu gün Suraxanı Rayon İcra Hakimiyyətinin və YAP Suraxanı Rayon Təşkilatının birgə təşkilatçılığı ilə “2 Fevral - Gənclər Günü” münasibətilə tədbir keçirilib.“Qanunyolu.info.az” xəbər verir ki, tədbirdə Suraxanı Rayon İcra Hakimiyyətinin başçısı Əziz Əzizov, Milli Məclisin deputatı Sevinc Fətəliyeva, YAP Suraxanı rayon təşkilatının sədri Vüqar Seyidov, RİHB yanında Şuranın üzvləri, hüquq-mühafizə orqanlarının rəhbərləri, idarə və müəssisələrin kollektivləri, rayon gəncləri, qazilər iştirak ediblər.
İlk öncə Ümummilli Liderin Heydər Əliyev parkında ucalan abidəsi ziyarət edilərək önünə gül dəstələri düzülüb.
Daha sonra "Atəşgah məbədi" Dövlət Tarix-Memarlıq Qoruğunda təşkil olunmuş tədbir Dövlət Himninin səsləndirilməsi ilə açıq elan edilib.
Çıxışına Vətən uğrunda canlarından keçən Şəhidlərimizin ruhunun 1 dəqiqəlik sükutla yad edilməsi ilə başlayan RİH başçısı Əziz Əzizov bütün gəncləri “2 Fevral - Gənclər Günü” münasibətilə təbrik edib və əsası Ümummilli Lider Heydər Əliyev tərəfindən qoyulmuş və bu gün də Azərbaycanda uğurla həyata keçirilən mütərəqqi gənclər siyasətinin gənc nəslin inkişafında eləcə də onların vətənpərvər ruhda formalaşmasında önəmli rol oynadığını bildirib.
Həmçinin, Ali Baş Komandan cənab İlham Əliyevin rəhbərliyi ilə 44 günlük Vətən müharibəsində Azərbaycan gəncinin cəsarətini, hünərini, əzmini bütün dünyaya nümayiş etdirdiyini bir daha vurğulayan RİH başçısı bütün Şəhidlərimizə Allahdan rəhmət diləyib.
Tədbirdə YAP Suraxanı rayon təşkilatının sədri Vüqar Seyidov, Milli Məclisin deputatı Sevinc Fətəliyeva, Şəhid Xəyyam Əliyevin atası Əlixan Əliyev, Respublikanın əməkdar artisti, ADMİU-nin dosenti, Rayon Ağsaqqallar Şurasının sədr müavini Ağalar Bayramov, Gənclər və İdman Baş İdarəsinin rəis müavini Aydın Yusifov, Suraxanı Gənclər Evinin direktoru Natavan Rüstəmova və digər qonaqlar çıxış ediblər.
Gənclərin ifasında bədii hissə ilə davam edən tədbirdə rayonun ictimai həyatında fəal iştirak edən bir qrup şəxs RİH başçısının Fəxri fərmanı ilə təltif ediliblər.
