Sumqayıtda 34 yaşlı kişi qətlə yetirildi - Saxlanılan var - Yenilənib

  • 10.01.2024, 08:00,
  • Kriminal
  • Baxılıb: 2
Sumqayıtda 34 yaşlı kişi qətlə yetirildi - Saxlanılan var - Yenilənib

Bu gün Sumqayıt şəhərində ölümlə nəticələnən bıçaqlanma hadisəsi baş verib.

"Qanunyolutv.az" xəbər verir ki, bu barədə DİN-in Mətbuat xidmətindən məlumat verilib. Bildirilib ki, saat 02 radələrində Sumqayıt şəhərində 1990-cı il təvəllüdlü Piriyev Həsənalı Əli oğlunun kəsilmiş-deşilmiş xəsarətlərdən ölməsi barədə polisə məlumat daxil olub.

Polis əməkdaşları cinayət əməlini törətməkdə şübhəli bilinən 1983-cu il təvəllüdlü Quliyev Seymur Şahmar oğlunu saxlayıblar.

İlkin məlumata görə, cinayət hadisəsi şəxsi münasibətlər zəminində baş verib.

Araşdırma aparılır.
****

Hadisə ilə bağlı Sumqayıt Şəhər Prokurorluğu məlumat yayıb.

Bildirilib ki, bu gün saat 02 radələrində Sumqayıt şəhəri ərazisində 1990-cı il təvəllüdlü Həsənalı Piriyevin öldürülməsi barədə şəhər prokurorluğuna məlumat daxil olub.

Aparılan araşdırma zamanı 1983-cü il təvəllüdlü Seymur Quliyevin aralarında yaranmış mübahisə zamanı Həsənalı Piriyevə bıçaqla xəsarət yetirərək qəsdən öldürməsinə əsaslı şübhələr müəyyən edilib.

Faktla bağlı şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanıb, Seymur Quliyev iş üzrə şübhəli şəxs qismində tutulub.

Hazırda cinayət işi üzrə ibtidai istintaq davam edir.
Şərh yaz
  • BUGÜN
  • OXUNANLAR
SOSİAL ŞƏBƏKƏLƏR
  • Вконтакте
  • Facebook
  • Twitter