Ermənistan müdafiə naziri istefa verdi

Ermənistan müdafiə naziri David Tonoyan istefa verib.

"QÜanunyolu.info.az", “Qafqazinfo” -ya istinadən xəbər verir ki, bu barədə “Aravot” nəşri yazıb.

Məlumata görə, Ermənistan hakimiyyəti hazırda Baş nazir Nikol Paşinyanın müşaviri vəzifəsində çalışan Vaqarşak Arutyunyanı müdafiə naziri təyin etmək istəyir.

“Aldığımız məlumata görə, Tonoyanı 1999-2000-ci illərdə müdafiə naziri olmuş, Paşinyanın baş müşaviri Vaqarşak Arutyunyan əvəzləyəcək”,- deyə nəşrin məlumatında bildirilib.

Müdafiə Nazirliyi rəsmi açıqlama yaymayıb.

Xatırladaq ki, Qarabağda məğlubiyyətdən sonra Ermənistan Xarici İşlər Nazirliyi və Fövqəladə Hallar Nazirliyinin rəhbərləri Zohrab Mnatsakanyan və Feliks Tsolakyan artıq istefaya göndərilib.