Aqşin Kamal da “Xəzər”dən getdi

Daha bir aparıcı Xəzər Televiziyası ilə yollarını ayırıb. "Qanunyolu.info.az", “Qafqazinfo”nun məlumatına istinadən, “Xəzər Xəbər”in aparıcısı və redaktoru Aqşin Kamal işdən gedib.

O, bu barədə sosial şəbəkədə məlumat yayıb. A. Kamal televiziyadakı 8 illik fəaliyyətinə son qoymaq qərarına gəlib:

“2012-ci ilin martından gəldiyim “Xəzər” televiziyasından öz istəyimlə ayrılmağa qərar verdim. Televiziyanın rəhbəri Murad Dadaşova qərarımı açıqlayanda özünün də dediyi kimi, mənə böyük qardaş münasibəti sərgilədi. Hətta Xəzər TV-də qalıb çalışmağımı təkid etdi və fəaliyyətimi çox yüksək qiymətləndirdi. Murad müəllim, bu jestə görə təşəkkür edirəm”.