Azərbaycan Dövlət Akademik Opera və Balet Teatrına yeni direktor müavinləri təyin olunub.“Qanunyolutv.az” xəbər verir ki,
Hüseyn Akif oğlu Hüseynov Azərbaycan Dövlət Akademik Opera və Balet Teatrının direktor müavini vəzifəsinə təyin edilib. O, daha əvvəl Azərbaycan Dövlət Akademik Musiqili Teatrında direktor müavini vəzifəsində çalışıb.
Həmçinin Gəncə Dövlət Filarmoniyasının direktoru
Ramil Adıgözəl oğlu Qasımov Azərbaycan Dövlət Akademik Opera və Balet Teatrının direktor müavini vəzifəsinə təyin olunub.
Rəşid Behbudov adına Azərbaycan Dövlət Mahnı Teatrına isə yeni direktor təyin edilib. “Report”un məlumatına görə, mədəniyyət naziri Adil Kərimlinin müvafiq Əmri ilə
Ülviyyə Firudin qızı Bəbirova sözügedən vəzifəyə təyinat alıb.
Mədəniyyət Nazirliyindən faktı təsdiq ediblər.
Qeyd edək ki, Ülviyyə Bəbirova
“İrəli” İctimai Birliyi"nin və
“Azərbaycan Könüllüləri” İctimai Birliyinin Mədəniyyət Mərkəzinin rəhbəri vəzifələrində çalışıb.
Gəncə Dövlət Milli Dram Teatrının direktoru
Aqil Adil oğlu Bəhramlı isə Azərbaycan Dövlət Akademik Musiqili Teatrının direktoru vəzifəsinə təyin edilib.
