Qaradağda Zəfər Gününə həsr olunmuş silsilə tədbirlər keçirildi - Fotolar

  • 08.11.2022, 15:30,
  • Xəbər
  • Baxılıb: 28
Qaradağda Zəfər Gününə həsr olunmuş silsilə tədbirlər keçirildi - Fotolar

8 Noyabr - Zəfər Günü ilə əlaqədar Qaradağ Rayon İcra Hakimiyyətinin başçısı Süleyman Mikayılov, şəhid ailələri və qazilər, YAP Qaradağ Rayon Təşkilatının sədri Qafar Əliyev, Milli Məclisin deputatları Aydın Hüseynov və Səbinə Xasayeva, Şura üzvləri, rayon icra hakimiyyətinin rəsmiləri və ictimaiyyət nümayəndələri Lökbatan qəsəbəsindəki Şəhidlər xiyabanını ziyarət edib, şəhidlərin məzarları önünə əklil və çələnglər qoyublar.

“Qanunyolutv.az” xəbər verir ki, daha sonra tədbir iştirakçıları Qaradağ rayonu, Lökbatan qəsəbəsində 120 ailənin, 500 nəfər sakinin yaşadığı ümumilikdə 12 bloklu F.Məmmədov, 9 və A.Qurbanov, 15 ünvanında yeni “Abad məhəllə”nin açılışında iştirak ediblər.
Qaradağda Zəfər Gününə həsr olunmuş silsilə tədbirlər keçirildi - Fotolar

Abad məhəllədə 1200 kv.m hörgü, 1800 kv.m suvaq, 3500 kv.m emulsiya 320 kv.m aqlay işləri görülüb. Burada 8 ədəd oturacaq, 2 ədəd söhbətgah, 1 komplekt uşaqlar üçün sürüşkən və yelləncək, 6 ədəd küçə işığı quraşdırılıb.

Burada yaşıllaşdırma işləri çərçivəsində 25 ədəd həmişəyaşıl ağac əkilmiş, 100 kv.m qazon salınıb. Həmçinin, 3200 kv.m asfaltlanma işləri görülmüş və nişanlanma xətti üçün 600 m boya çəkilib.
Qaradağda Zəfər Gününə həsr olunmuş silsilə tədbirlər keçirildi - Fotolar

Xalqımızın tarixində çox əlamətdar bir gün olan 8 Noyabr -Zəfər Gününün qeyd edilməsi Lökbatan qəsəbəsi Əli Əmirov adına Mədəniyyət Sarayında “Zəfər Günün mübarək, Azərbaycan” adlı bayram tədbiri ilə davam edib.

Foyedə rayonda fəaliyyət göstərən məktəblərin, 5 nömrəli Uşaq İncəsənət Musiqi məktəbinin şagirdlərinin əl işlərindən ibarət sərgi nümayiş etdirilib.
Qaradağda Zəfər Gününə həsr olunmuş silsilə tədbirlər keçirildi - Fotolar

Tədbir Azərbaycan dövlət himni ilə başlayıb. Şəhidlərimizin ruhu bir dəqiqəlik sükutla yad edilib.

Tədbirdə Qaradağ Rayon İcra Hakimiyyətinin başçısı cənab Süleyman Mikayılov çıxış edərək sentyabrın 27-dən başlayan, 44 gün davam edən və işğal altındakı ərazilərimizin qaytarılması ilə nəticələnən Vətən müharibəsi tariximizin ən parlaq səhifəsinə, Azərbaycan xalqının iftixar və qürur mənbəyinə çevrildiyini bildirib. Vətən müharibəsində Azərbaycan xalqı öz liderinin - müzəffər Ali Baş Komandan İlham Əliyevin ətrafında sıx birləşərək bütün dünyaya öz gücünü, mətinliyini, mübarizliyini nümayiş etdirdiyini qeyd edib.
Qaradağda Zəfər Gününə həsr olunmuş silsilə tədbirlər keçirildi - Fotolar

Konsertdə rayon ərazisində yerləşən Lökbatan Mədəniyyət Sarayının solisti və rəqqasları, 5 nömrəli Uşaq İncəsənət Musiqi məktəbinin, Müşfiqabad Mədəniyyət Evinin, 9 nömrəli musiqi məktəbinin şagirdləri vətənpərvərlik mövzusunda mahnılar oxuyublar. Məktəblilər Vətənimizə, müzəffər Ordumuza həsr edilmiş şerlər söyləyiblər.
Qaradağda Zəfər Gününə həsr olunmuş silsilə tədbirlər keçirildi - Fotolar

Qaradağda Zəfər Gününə həsr olunmuş silsilə tədbirlər keçirildi - Fotolar

Qaradağda Zəfər Gününə həsr olunmuş silsilə tədbirlər keçirildi - Fotolar
Şərh yaz
  • BUGÜN
  • OXUNANLAR
SOSİAL ŞƏBƏKƏLƏR
  • Вконтакте
  • Facebook
  • Twitter