Aktyorla xanımına hücum edənlərə hökm oxundu

Türkiyənin məşhur aktyoru Hakan Yılmazla xanımı Elif Yılmaza oteldə hücum edən şəxslər barədə hökm oxunub.

“Qanunyolu.info.az” xəbər verir ki, məhkəmə prosesinə Hakan Yılmaz və xanımı qatılmayıb.

Hakim şübhəli Denizhan Vurala yaralama və təhqirə görə 1 il 6 ay həbs, Erdal Gökçeyə isə 5 min TL pul cəzası verib. Digər şübhəli isə bəraət alıb.

Qeyd edək ki, hadisə 2017-ci ildə İstanbulda baş verib. Dostları ilə əyləndikdən sonra otelə getmək istəyən cütlüyə 3 nəfər hücum edib.

Dava zamanı Hakan Yılmaz döyülüb, Elif Yılmazın başına küt alətlə vurulub. Cütlük polisə gedərək həmin şəxslərdən şikayətçi olub.