Təzəkənd məktəbinin müəllimi də şəhid olub

Daha bir müəllim – Əvdil Quliyev Vətən müharibəsində şəhid olub.

"Qanunyolu.info.az",“Qafqazinfo” -ya istinadən xəbər verir ki, bu barədə Təhsil Nazirliyinin feysbuk səhifəsində paylaşım edilib.

Ə. Quliyevin Beyləqan rayonu Ə.Məmmədov adına Təzəkənd tam orta məktəbində çalışdığı bildirilir.

“Ə.Məmmədov adına Təzəkənd kənd tam orta məktəbində iki ilə yaxındır gənclərin çağırışaqədərki hazırlıq fənnini tədris edən Əvdil Quliyev Şuşa uğrunda gedən döyüşlərdə şəhid olub. Təhsil Nazirliyinin rəhbərliyi və kollektivi şəhidimizə Allahdan rəhmət diləyir, yaxınlarına dərin hüznlə başsağlığı verir”, - paylaşımda qeyd olunub.