Suraxanıda şəhidin xatirəsi yad olundu - Fotolar

Suraxanı Rayon İcra Hakimiyyətinin başçısı Əziz Əzizov, müavinləri və bir sıra rəsmi şəxslər Şəhid Əhməd Kərimovun doğum günündə onun məzarını ziyarət edib. Həmçinin şəhidin ailə üzvlərinə baş çəkərək, onun adının əbədiləşdirilməsi üçün salınmış guşə ilə tanış olublar.

"Qanunyolu.info.az" xəbər verir ki, Rayon İcra Hakimiyyətinin başçısı Əziz Əzizov Vətənimizin bütövlüyü, torpaqlarımızın işğaldan azad edilməsi uğrunda canından keçən nur üzlü şəhidimizə Allahdan rəhmət, ailəsinə səbr diləyərək dərin hüznlə başsağlığı verib və bildirib ki, Vətən, millət yolunda canından keçməyə hazır olanların fəth etdiyi ən yüksək, ən şərəfli zirvədir şəhid olmaq: “Və hər bir Şəhid ailəsi bu məqama ucalan mərd oğullarımızın bizlərə əmanətidir. Onlara dəstək olmaq hər birimizin borcudur. Eyni zamanda Ali Baş Komandan İlham Əliyevin rəhbərliyi altında qüdrətli Azərbaycan ordusunun Vətən müharibəsində qazandığı tarixi qələbədə payı olan Əhməd kimi oğullarımızın qanının yerdə qalmayıb. Belə vətənpərvər gənclərimizin canı-qanı bahasına bu gün Qarabağımız azaddır.


Qeyd edək ki, Şəhidimiz Əhməd Kərimov ölümündən sonra Azərbaycan Respublikası Prezidentinin müvafiq Sərəncamları ilə Azərbaycan Respublikasının ərazi bütövlüyünün təmin edilməsi uğrunda döyüş əməliyyatlarında iştirak edib və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyinə görə “Vətən uğrunda”, Füzuli rayonunun işğaldan azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirdiyinə görə "Füzulinin azad olunmasına görə" medalları ilə təltif edilib.


Allah rəhmət eləsin!