Türkiyədə müalicə alan Vətən müharibəsi qazisi vəfat etdi

Türkiyədə müalicə alan Vətən müharibəsi qazisi, baş leytenant Cahangirli Habil Həzər oğlu vəfat edib.

“Qanunyolu.info.az” xəbər verir ki, qazi bu gün səhər saatlarında müalicə aldığı Ankaranın Hacettepə xəstəxanasında dünyasını dəyişib.

Məlumata görə, onun nəşinin Azərbaycana gətirilməsində problem yaranıb.

Qazinin Bakıda “German” hospitalda əməliyyat olunduğu, həkim səhlənkarlığına görə vəziyyətinin kəskin pisləşdiyi və Ankaraya aparıldığı bildirilirdi.

Qeyd edək ki, baş leytenant Prezident İlham Əliyevin sərəncamları ilə “Füzulinin azad edilməsinə görə” və “Xocavəndin azad edilməsinə görə” medalları ilə təltif olunub.

ALLAH RƏHMƏT ELƏSİN!