Bəkir Şahin Fəxri Xiyabanda və Hərbi Qənimətlər Parkında olub - Fotolar

Türkiyə Ali Məhkəməsinin Baş prokuroru Bəkir Şahin və Azərbaycanın Baş prokuroru Kamran Əliyev Fəxri xiyabanı, ümummilli lider Heydər Əliyevin və akademik Zərifə xanım Əliyevanın məzarlarını ziyarət ediblər.

"Qanunyolu.info.az" xəbər verir ki, Baş Prokurorluqdan verilən məlumata görə, Şəhidlər xiyabanına gələn qonaqlar Azərbaycanın müstəqilliyi və ərazi bütövlüyü uğrunda şəhid olan qəhrəman Vətən övladlarının xatirəsinə ehtiramlarını bildirib, məzarları üzərinə gül dəstələri qoyublar.

Həmçinin Şəhidlər xiyabanında Azərbaycanın ərazi bütövlüyü uğrunda həlak olmuş şəhid türk əsgərlərinin xatirəsinə ucaldılmış “Türk şəhidliyi” abidəsi, Qazi Mustafa Kamal Atatürkün şərəfinə Bakıda ucaldılmış abidə ziyarət edilib.

Səfər çərçivəsində nümayəndə heyəti İçərişəhərdə UNESCO-nun Ümumdünya irs siyahısına daxil edilmiş tarixi-memarlıq abidələri ilə tanış olublar. Eksponatlar barədə qonaqlara ətraflı məlumat verilib.

Səfər zamanı, həmçinin qonaqlar Hərbi Qənimətlər Parkında olublar.