Ceyhun Cəfərovla birgə həbs edilmişdi - O da azadlığa çıxdı

Kürdəmirin keçmiş icra başçısı Ceyhun Cəfərovla birgə məhkum edilmiş mühasib də vaxtından əvvəl azadlığa buraxılıb.

“Qanunyolutv.az”-ın əldə etdiyi məlumata görə, yerli məhkəmə Rəcəb Hüseynovun həbsinin qalan 5 ayını şərti hesab edib.

Rəcəb Hüseynov bir müddət əvvəl cəzaçəkmə müəssisəsindən azad edilib.

Amma prokuror bu qərarla razılaşmayıb, məhkumun yenidən həbs edilməsi üçün protest verib. Bakı Apellyasiya Məhkəməsi prokurorun protestini əsaslı hesab etməyib.

Xatırladaq ki, eks-icra başçısı Ceyhun Cəfərov da vaxtından əvvəl cəzadan azad edilmişdi. Artıq onun şərti məhkumluq müdddəti də başa çatıb.

Təhsil Şöbəsinin baş mühasibi işləmiş Rəcəb Hüseynov Ceyhun Cəfərovdan 1 il sonra-2021-ci ilin oktyabrında korrupsiya ittihamı həbs edilib. Yekun qərarla ona 4 il 4 ay həbs cəzası kəsilmişdi.