Ceyhun Cəfərovla birgə tutulan məmurun da cəzaçəkmə yeri dəyişdi

Kürdəmir Rayon İcra Hakimiyyətinin sabiq başçısı Ceyhun Cəfərovla birgə həbs edilmiş şöbə müdiri Natiq Kərimovun cəzaçəkmə yeri dəyişdirilib.

“Qanunyolutv.az”-ın əldə etdiyi məlumata görə, bu haqda Nərimanov Rayon Məhkəməsi qərar qəbul edib.

Hakim məhkumun cəzasının 2/3 hissəsini çəkməsini və barəsində müsbət rəyi nəzərə alaraq qalan cəzasını məntəqə tipli cəzaçəkmə müəssisəsində çəkməsinə qərar verib.

Bundan əvvəl isə eyni əsaslarla eks-icra başçısı Ceyhun Cəfərov da məntəqə tipli cəzaçəkmə müəssisəsinə köçürülmüşdü.

Qeyd edək ki, korrupsiya cinayətlərinə görə cinayət məsuliyyətinə cəlb edilən Ceyhun Cəfərov yekun məhkəmə qərarı ilə 6 il, Natiq Kərimov isə 5 il 6 ay azadlıqdan məhrum edilib. Onların hər ikisi cəzalarını ümumu rejimli cəzaçəkmə müəssisəsində çəkirdi.