Prezidentliyə namizədlər səs verdi - Fotolar

Böyük Quruluş Partiyasının prezidentliyə namizədi Fazil Mustafa növbədənkənar prezident seçkilərində səs verib.

“Qanunyolutv.az” APA-ya istinadən xəbər verir ki, Fazil Mustafa 26 saylı Sabunçu I Seçki Dairəsinin 13 saylı məntəqəsində səsvermə hüququndan istifadə edib.

Bütöv Azərbaycan Xalq Cəbhəsi Partiyasının prezidentliyə namizədi Qüdrət Həsənquliyev növbədənkənar prezident seçkilərində ailə üzvləri ilə birgə səs verib.

Qüdrət Həsənquliyev 7 saylı Səbail Seçki Dairəsinin 38 saylı məntəqəsində səsvermə hüququndan istifadə edib.

Namizədliyi özü tərəfindən irəli sürülən prezidentliyə namizəd Zahid Oruc 23 saylı Nəsimi-Səbail Seçki Dairəsinin 18 saylı seçki məntəqəsində səs verib.

Böyük Azərbaycan Partiyasının prezidentliyə namizədi Elşad Musayev 19 saylı Nərimanov l Seçki Dairəsinin 3 saylı seçki məntəqəsində səsvermə hüququndan istifadə edib.

Milli Cəbhə Partiyasının prezidentliyə namizədi Razi Nurullayev 8 saylı Binəqədi Birinci Seçki Dairəsinin 12 saylı seçki məntəqəsində səsvermə hüququndan istifadə edib.

Prezidentliyə namizəd Fuad Əliyev 34 saylı Xətai II Seçki Dairəsinin 19 saylı seçki məntəqəsində səsvermə hüququndan istifadə edib.