Videosu ilə gündəmə gələn sürücü Qaralovun yaxın adamı olub

Xəbər verdiyimiz kimi, ötən gün sosial şəbəkələrdə “Gelandewagen” markalı avtomobilin sürücüsünün aztəminatlı ailələri təhqir etməsi ilə bağlı videodan sonra həmin şəxsin 1985-ci il təvəllüdlü Samid Bağırov olduğu müəyyən edilib.

“Qanunyolu.info.az” Bakupost.az-a istinadən xəbər verir ki, həmin sürücü, 37 yaşlı Samid Bağırov uzun müddət “Akkord” Şirkətlər Qrupunun xəzinadarı olub. O, sabiq baş prokuror Zakir Qaralovun yaxını, daha dəqiq desək, “pulyığanı” kimi tanınıb.

Samid Bağırovun hazırda da həmin adamlarla isti münasibətinin davam etdiyi bildirilir.

Xatırladaq ki, Samid Bağırovla polis idarəsində profilaktiki söhbət aparılıb və xəbərdarlıq edildikdən sonra sərbəst buraxılıb. O, əməlindən peşman olduğunu deyərək üzrxahlıq edib.

"Qanunyolu.info.az" xəbər verir ki, Akkord Şirkətlər Qrupundan bildirilib ki, həmin şəxs heç vaxt şirkətdə xəzinədar olmayıb: "2016-2020-ci illərdə Maliyyə Xidmətinin mütəxəssisi olub".