Çayxana sahibləri həbs edildi - Fotolar

Şəmkirdə karantin qaydalarını pozaraq stolüstü oyunlar təşkil edən çayxana sahibləri həbs edilib.

DİN-in Mətbuat Xidmətinin Gəncə şəhərindəki regional qrupundan "Qanunyolu.info.az", “Qafqazinfo”ya verilən məlumata istinadən, keçirilən reyd zamanı qəsəbədə yerləşən bir neçə kafe sahibinin dəfələrlə xəbərdarlıq edilsə də, müştərilərin arasında sosial məsafələri qorumayaraq, stolüstü oyunlar təşkil edərək karantin rejminin qaydalarını kobud şəkildə pozduqları aşkar edilib.

Həmin obyekt sahibləri, Elnur Məcidov və Xəqani Süleymanov saxlanılaraq RPŞ-yə gətirilmiş, barələrində İnzibati Xətalar Məcəlləsinin 211 (Epidemiya əleyhinə rejimin, sanitariya-gigiyena və karantin rejimlərinin pozulması) və 535-ci ( Polis işçisinin və ya hərbi qulluqçunun qanuni tələbinə qəsdən tabe olmama) maddələri ilə protokol tərtib edilərək baxılması üçün rayon məhkəməsinə göndərilib.

Məhkəmənin qərarı ilə həmin şəxslər 8 gün müddətində inzibati qaydada həbs edilib.