Ağdamda iki nəfər minaya düşüb öldü - Yenilənib

Ağdamda iki nəfər minaya düşərək həlak olub.

"Qanunyolutv.az" xəbər verir ki, DİN-in Mətbuat xidmətindən bildirilib ki, hadisə rayonun Yusifcanlı kəndində baş verib.

Məlumata görə, ərazidə heyvan otaran kənd sakinləri mina partlayışı nəticəsində həyatlarını itiriblər. Partlayış zamanı ölənlər 1999-cu il təvəllüdlü Həsənov İsrail İbrahim oğlu və 1987-ci il təvəllüdlü Həsənov Amid Hüseyn oğludur.

Faktla bağlı araşdırma aparılır.

Baş Prokurorluğun Mətbuat xidmətindən bildirilib ki, fakt üzrə prokurorluq əməkdaşları tərəfindən hadisə yerinə baxış keçirilib, digər zəruri istintaq hərəkətləri aparılıb. Ağdam rayon prokurorluğunda araşdırma davam etdirilir.

Minatəmizləmə Agentliyinin (ANAMA) Mətbuat Xidmətindən bildirilib ki, hadisə minalardan təmizlənməmiş ərazidə baş verib. Qadağan olunmuş əraziyə daxil olma nəticəsində baş verən mina partlayışında 1999-cu il təvəllüdlü İsrail Həsənov İbrahim oğlu və 1987-ci il təvəllüdlü Həsənov Amid Hüseyn oğlu həlak olub. İşğaldan azad edilmiş ərazilərdə Ermənistanın basdırdığı mina sahələrinin miqyası və kütləviliyi, mina terrorunun təzahürüdür.