Bakıda keçmiş məhkum “Makarov” markalı odlu silahla saxlanılıb.
"Qanunyolutv.az" xəbər verir ki, DİN Mətbuat Xidmətindən bildirilib ki, Səbail RPİ 9-cu PB-nin əməkdaşları tərəfindən üzərində qanunsuz olaraq odlu silah-sursat gəzdirən Fuad Abdulov tutulub. Onun üzərinə baxış zamanı 1 ədəd “Makarov” markalı tapança, həmin silaha məxsus 3 ədəd patron və daraq aşkar olunaraq götürülüb. Fuad Abdulov odlu silahı bir müddət əvvəl əldə etdiyini və polisə təhvil verməyərək üzərində gəzdirdiyini bildirib.
Toplanan materiallar Səbail RPİ-nin İstintaq Şöbəsinə göndərilib, araşdırmalar davam etdirilir.
