“Azərbaycanda tribunalarda bir ovuc azarkeş görünürdü”

Polşanın “Visla” klubunda çıxış edən "Qarabağ"ın keçmiş futbolçusu Yakub Jeznikçak açıqlama verib.

"Qanunyolu.info.az", “Qafqazinfo” -ya istinadla xəbər verir ki, 33 yaşlı müdafiəçi bərpa edilməsinə qərar verilən Polşa çempionatında stadionların 25 faiz azarkeşlə doldurulması barədə danışıb:

“Həm “Legiya”, həm də “Qarabağ”da azarkeşlərsiz oynadığımız matçlar olub. Azərbaycanda elə matçlar olub ki, tribunalarda bir ovuc azarkeş görünürdü. Buna öyrəşmişəm. Ancaq bir çox oyunçu üçün bu, yeni olacaq. Başqa bir şey odur ki, bəzi stadionlara az azarkeş gəlirdi, buna görə də çox fərq olmayacaq”.

Jezniçak “Legiya” ilə beş, “Qarabağ”da iki dəfə ölkə çempionu olmasından da söz açıb:

“Belə bir söz var: İstedaddan daha çox nəticə. Deyə bilərəm ki, göstərilən istedaddan daha çox kubok qazandım. Əldə etdiyim şeylərdən çox məmnunam. Həyat mənə çox şey verdi, buna görə minnətdaram. Çox işləmək və bir az şans istedaddan daha vacibdir".