Quba yolundakı dəhşətli qəzada ölənlərin adları - Siyahı + Yenilənib

Bu gün Bakı-Quba yolunda baş vermiş dəhşətli yol qəzasında vəfat edənlər dəmiryolu xəttinin çəkilməsində iştirak edən podratçı şirkətin əməkdaşları olub.

“Qanunyolutv.az”-ın əldə etdiyi məlumata görə, hadisə dəmiryolçular səhər işə gedərkən qeydə alınıb. Hazırda onların şəxsiyyətinin müəyyən edilməsi istiqamətində iş aparılır. İlkin baxış zamanı vəfat edən iki nəfərin: Kamran və Nəsimi adlı şəxslərin kimliyi müəyyən edilib.

Hadisədən sonra vəfat edənlərin meyitləri Sumqayıt Şəhər Xəstəxanasının morquna gətirilib.

Qeyd edək ki, dəhşətli qəza hazırda təmir işləri gedən yolun 98-ci km-də, Siyəzən rayonu ərazisində baş verib. "Mersedes Vito" markalı mikroavtobus TIR-la toqquşub. Nəticədə mikroavtobusdakı 6 nəfərin hamısı vəfat edib, TIR sürücüsü isə xəsarət alıb.

15:32

Bu gün Bakı-Quba yolunda baş vermiş dəhşətli qəzada ölən 6 nəfərdən 5-nin şəxsiyyəti müəyyən edilib.

“Qanunyolutv.az”-ın əldə etdiyi məlumata görə, ölən şəxslər bunlardır.

1. 1976-cı il təvəllüdlü Məmmədov Kamran Məmmədşah oğlu

2. 1982-ci il təvəllüdlü Əhmədov Elməddin Osman oğlu

3. 1980-ci il təvəllüdlü Musayev Vüqar Tərxan oğlu

4. 1979-cu il təvəllüdlü Balakişiyev Akif Yusif oğlu

5. 1977-ci il təvəllüdlü Qubadbəyli Nəsimi Əlimuxtar oğlu (sürücü)

Hadisə zamanı dünyasını dəyişən daha bir nəfərin isə kimliyini müəyyən etmək mümkün olmayıb.