Lənkəran şəhər Vaqif Əliyev adına 4 nömrəli Humanitar Təmayüllü-Liseyin Fiziki tərbiyyə müəllimi
Əminə NəsirovaHeydər Əliyev Azərbaycan tarixində yalnız dövlət xadimi kimi deyil, həm də təhsilin inkişafına xüsusi töhfələr vermiş müdrik lider kimi tanınır. Onun fəaliyyətində təhsil sahəsi prioritet istiqamətlərdən biri olmuş, savadlı və vətənpərvər gənclərin yetişdirilməsi dövlət siyasətinin əsas məqsədlərindən biri kimi müəyyən edilmişdir. Ulu Öndər inanırdı ki, güclü dövlətin təməlində yüksək təhsilli və milli dəyərlərə bağlı vətəndaşlar dayanır.Azərbaycanda təhsilin sistemli şəkildə inkişafı məhz Heydər Əliyevin uzaqgörən siyasəti nəticəsində mümkün olmuşdur. Onun rəhbərliyi dövründə yeni məktəblərin tikintisi geniş vüsət almış, mövcud təhsil müəssisələri əsaslı şəkildə yenidən qurulmuşdur. Maddi-texniki bazanın gücləndirilməsi, sinif otaqlarının müasir avadanlıqlarla təmin edilməsi və tədris şəraitinin yaxşılaşdırılması təhsil sisteminin keyfiyyətcə yeni mərhələyə yüksəlməsinə səbəb olmuşdur.
Ulu Öndər təhsilin yalnız infrastrukturla məhdudlaşmadığını, onun məzmununun da daim yenilənməsinin vacib olduğunu vurğulayırdı. Bu baxımdan tədris proqramlarının müasirləşdirilməsi, dərsliklərin yenilənməsi və qabaqcıl tədris metodlarının tətbiqi istiqamətində mühüm addımlar atılmışdır. Məqsəd gənclərə yalnız nəzəri biliklər vermək deyil, eyni zamanda onları müasir dünyaya uyğun düşünən, yaradıcı və təşəbbüskar şəxsiyyətlər kimi formalaşdırmaq idi.
Müstəqilliyin ilk illərində təhsil sahəsi də ciddi çətinliklərlə üzləşmişdi. Lakin Azərbaycanın müstəqilliyinin bərpasından sonra yaranan mürəkkəb şəraitə baxmayaraq, Heydər Əliyevin hakimiyyətə qayıdışı ilə bu sahədə əsaslı dönüş baş verdi. Təhsil sistemində idarəetmə mexanizmləri təkmilləşdirildi, islahatlara start verildi və uzunmüddətli inkişaf strategiyası müəyyənləşdirildi. Bu addımlar nəticəsində təhsil sahəsində sabitlik təmin olundu və inkişaf üçün möhkəm zəmin yaradıldı.
Heydər Əliyev müəllim peşəsinə xüsusi hörmətlə yanaşırdı. O, müəllimləri cəmiyyətin aparıcı qüvvəsi hesab edir, onların sosial rifahının yaxşılaşdırılması və nüfuzunun artırılması üçün mühüm qərarlar qəbul edirdi. Müəllimlərin peşəkar inkişafı üçün müxtəlif təlimlər, kurslar və ixtisasartırma proqramları təşkil olunmuş, onların bilik və bacarıqlarının artırılması daim diqqət mərkəzində saxlanılmışdır. Bu siyasət təhsilin keyfiyyətinə müsbət təsir göstərmişdir.
Ulu Öndərin təhsil siyasətində gənclərin beynəlxalq təcrübə qazanmasına da xüsusi önəm verilirdi. O, xarici ölkələrin qabaqcıl ali təhsil müəssisələrində təhsil almağın vacibliyini vurğulayaraq, gənclərin dünyagörüşünün genişlənməsini dəstəkləyirdi. Bu yanaşma nəticəsində yetişən mütəxəssislər sonradan ölkənin müxtəlif sahələrində uğurla fəaliyyət göstərərək Azərbaycanın inkişafına töhfə vermişlər. Bununla yanaşı, Heydər Əliyev milli-mənəvi dəyərlərin qorunmasını təhsil sisteminin ayrılmaz hissəsi hesab edirdi. O, gənclərin vətənpərvər ruhda tərbiyə olunmasına, onların öz tarixini, dilini və mədəniyyətini dərindən bilməsinə xüsusi diqqət yetirirdi. Bu istiqamətdə aparılan işlər gənc nəslin milli kimliyinin formalaşmasında mühüm rol oynamışdır.
Bu gün Azərbaycanda təhsil sistemi Ulu Öndərin müəyyən etdiyi strateji xətt üzrə inkişaf edir. Müasir texnologiyaların tətbiqi, rəqəmsal təhsil resurslarının genişləndirilməsi və beynəlxalq əməkdaşlığın gücləndirilməsi bu sahənin daha da inkişafına xidmət edir. Təhsilin keyfiyyətinin yüksəldilməsi ölkənin ümumi inkişafına və gələcək uğurlarına mühüm təsir göstərir.
Azərbaycanın gələcəyinin təmin olunmasında həlledici rol oynamışdır. Onun qoyduğu möhkəm təməl üzərində formalaşan təhsil sistemi bu gün də inkişaf edir və yeni nəsillərin uğurlarına geniş yol açır. Ulu Öndərin təhsil sahəsindəki irsi Azərbaycanın tərəqqisinin əsas dayaqlarından biri kimi daim yaşayacaqdır!Hörmət və sayqıyla: Lənkəran şəhər Vaqif Əliyev adına 4 nömrəli Humanitar Təmayüllü-Liseyin Fiziki tərbiyyə müəllimi
Əminə Nəsirova
