Qonşu ölkələrdə koronavirusla bağlı son vəziyyət

Rusiyada son bir gündə 29 018 yeni yoluxma faktı qeydə alınıb.

"Qanunyolu.info.az", “Qafqazinfo” - ya istinadən xəbər verir ki, son 24 saat ərzində 563 pasiyent ölüb, bununla da vəfat edənlərin sayı 53 659 nəfərə çatıb. İndiyədək koronavirusa yoluxan 2 398 254 nəfər sağalıb.

Ölkə üzrə ümumilikdə 2 992 706 nəfər insan koronavirusa yoluxub.

Gürcüstanda son 24 saat ərzində daha 1 881 nəfərdə “COVID-19” aşkarlanması ilə ölkədə koronavirusa yoluxma halı 218 724-ə çatıb.

Ölkədə sutka ərzində daha 37 nəfərin xəstəlikdən vəfat etməsi ilə ölüm hallarının sayı 2 313-ə çatıb. Ümumilikdə sağalanların sayı isə 196 220 nəfərdir.

Ermənistanda son sutka ərzində daha 621 nəfərdə koronavirusa yoluxma faktı aşkarlanıb.

Bununla da ölkədə koronavirusa yoluxanların sayı 156 763 nəfərə çatıb. Daha 179 nəfərin vəfatı ilə koronavirusdan ölənlərin sayı 2 733-ə çatıb. Ümumilikdə sağalanların sayı isə 137 815 nəfərdir.

Qeyd edək ki, Ermənistanda epidemiyaya görə, martın 16-dan etibarən tətbiq olunan fövqəladə vəziyyət rejimi 11 yanvar 2021-ci ilə qədər uzadılıb.