Türkiyədə COVID-19-a qarşı eyni anda 13 vaksin hazırlanır

Türkiyədə yeni növ koronavirus infeksiyası əleyhinə eyni anda 13 vaksin hazırlanır.

"Qanunyolu.info.az", “Qafqazinfo” -ya istinadən məlumatına görə, bu barədə ölkənin Səhiyyə naziri Fəxrəddin Qoca bildirib.

“Türkiyədə 13 vaksinin yaradılması istiqamətində işlər davam etdirilir. Üç halda heyvanlar üzərində sınaqlar başa çatıb”, - o, Ankaradakı mətbuat konfransında vurğulayıb.

Bununla yanaşı, avqustun əvvəlində Türkiyə Prezidenti Rəcəb Tayyib Ərdoğan bildirmişdi ki, vaksinlərdən birinin istehsalçıları onun insanlar üzərində kliniki sınaqdan keçirilməsi üçün icazə alıblar.