Kaşif Kozinoğlunun məzarı açılacaq

Türkiyənin keçmiş Milli Kəşfiyyat Təşkilatının əməkdaşı Kaşif Kozinoğlunun həbsxanada vəfat etməsi ilə bağlı istintaq davam edir.

“Qanunyolutv.az” Türkiyə mətbuatına istinadən xəbər verir ki, yenidən başladılan istintaq çərçivəsində onun məzarının sentyabrın 12-də açılması gözlənilir.

Silivri Respublika Baş Prokurorluğunun tələbi əsasında həyata keçiriləcək məzarın açılması proseduru Kozinoğlunun dəqiq ölüm səbəbinin və ölümündə üçüncü şəxslərin müdaxiləsinin olub-olmadığının müəyyən edilməsi məqsədilə həyata keçiriləcək. Bildirilir ki, Kozinoğlunun ölümü ilə bağlı yenidən başladılmış istintaq çərçivəsində 7-si səhiyyə işçisi olmaqla, 10 şübhəli saxlanılıb.

Qeyd edək ki, “Ergenekon” təşkilatının üzvü olmaqda şübhəli bilinərək 10 mart 2011-ci il tarixində həbs edilmiş Kaşif Kozinoğlu ilk məhkəmə iclasına 10 gün qalmış, 12 noyabr 2011-ci ildə Silivri həbsxanasında vəfat edib. Rəsmi olaraq onun ürək tutmasından öldüyü açıqlanıb.