“Putinə əsəbiləşmişəm” - Trampdan xəbərdarlıq

ABŞ Prezidenti Donald Tramp bildirib ki, əgər o, Ukrayna ilə atəşkəsin əldə edilməməsində Rusiyanın günahkar olduğuna inanarsa, Rusiya neftinə ikinci dərəcəli tariflər tətbiq edə bilər.

“Qanunyolutv.az” xəbər verir ki, o bu haqda Tramp “NBC News”a açıqlamasında danışıb.

Bildirib ki, rusiyalı həmkarı Vladimir Putinə əsəbiləşib:

“Rusiya ilə Ukraynada qan tökülməsinin dayandırılması ilə bağlı razılığa gələ bilməsək və bunun Rusiyanın günahı olduğunu hiss etsəm, Rusiya emalı olan bütün növ neftlərə ikinci dərəcəli tariflər tətbiq edəcəyəm. ABŞ-də satılan neft və digər məhsullara 25% rüsum, ikinci dərəcəli tariflər olacaq. Putinə əsəbiləşmişəm, lakin onunla çox yaxşı münasibətim var. İşlər düz getsə, qəzəbim tez sovuşacaq. Onunla bu həftə yenidən danışa bilərik”.

Xatırladaq ki, bir müddət öncə Ağ Evdə Ukrayna lideri Volodimir Zelenski ilə gərgin anlar yaşayan Tramp görüşdən sonra ukraynalı həmkarının Putinlə bağlı dilə gətirdiyi iddiaları əsassız hesab etdiyini açıqlamışdı. O, Zelenskini Putinlə bağlı bu cür müzakirələrə son qoymağa dəvət etmişdi.