Ağ Ev Trampın Putinlə görüşəcəyi barədə xəbəri təkzib etdi - Yenilənib

ABŞ prezidenti Donald Tramp öz köməkçilərinə məlumat verib ki, noyabr ayında ABŞ-da keçiriləcək prezident seçkilərindən əvvəl Rusiya dövlətinin başçısı Vladimir Putinlə görüş keçirmək istəyir. "Qanunyolu.info.az", “Qafqazinfo”-ya istinadən bildirir ki, bu barədə “NBC” telekanalı xəbər verib.

Telekanalın məlumatına görə, liderlər strateji hücum silahlarının gələcəkdə də azaldılması və məhdudlaşdırılması ilə bağlı tədbirlər haqqında müqaviləyə dair bəyanat verə bilərdilər.

“NBC”nin mənbələrinin sözlərinə görə, “Administrasiyanın əməkdaşları Tramp və Putinin yeni sammitinin keçirilmə yeri və vaxtı ilə bağlı müxtəlif imkanları nəzərdən keçiriblər”.

Telekanalın məlumatına görə, sammitdə liderlər nüvə silahlarına nəzarət sahəsində ABŞ-Rusiya arasında yeni razılaşmaların hazırlanmasına dair əldə edilən irəliləyişi elan edə bilərdi.


ABŞ Prezidenti Donald Tramp noyabr ayında ABŞ-da keçiriləcək prezident seçkisi öncəsi Rusiya lideri Vladimir Putinlə sammit keçirmək niyyətində deyil. "Qanunyolu.info.az", “Qafqazinfo”nun məlumatına istinadən, bu barədə bazar günü "NBC" telekanalının efirində Ağ Ev rəhbərinin milli təhlükəsizlik üzrə köməkçisi Robert O'Brayen bildirib.

“Seçkidən əvvəl Putinlə heç bir sammitimiz olmayacaq”, - siyasətçi deyib.