Reanimasiyadakı xəstələrin sayı azalıb

Tibbi Ərazi Bölmələrini İdarəetmə Birliyi (TƏBİB) Azərbaycanda koronavirusla bağlı avqustun 25-nə olan statistik göstəriciləri açıqlayıb.

"Qanunyolu.info.az", "Qafqazinfo"-ya istinadən xəbər verir ki, məlumata əsasən hazırda ölkədə 1 848 nəfər aktiv koronavirus xəstəsi var.

Onlardan 161 nəfər reanimasiyada, 20 nəfər isə süni tənəffüs cihazındadır.

Ümumilikdə 35 559 nəfər virusa yoluxub, 33 190 nəfər sağalıb.

Bu gün 6 612 test edilib. Yeni yoluxma hallarının müəyyənləşdirilməsi ilə əlaqədar ümumilikdə 885 279 test aparılıb.

Qeyd edək ki, bu gün 133 koronavirusa yoluxma faktı qeydə alınıb, 86 nəfər sağalıb, 2 nəfər ölüb.