Moskvada Azərbaycan kafesinə hücum edildi

Naməlum şəxslər Moskvanın qərbində Mosfilmovsk küçəsində yerləşən Azərbaycan mətbəxi kafesinin vitrinlərini sındırıblar, daha sonra gizləniblər.

"Qanunyolu.info.az", “Qafqazinfo” -ya istinadən bildirir ki, bu barədə “TASS”a hüquq-mühafizə orqanlarındakı mənbə məlumat verib.

“İndisent Mosfilmovsk küçəsində baş verib. Naməlum şəxslər Azərbaycan mətbəxi kafesinin vitrininə bir neçə daş atıblar, sonra avtomobillərdə hadisə yerindən uzaqlaşaraq gizləniblər”, - agentliyin həmsöhbəti deyib. O, hücum edənlərin axtarıldığını əlavə edib.

Qeyd eddək ki, iyulun 24-nə keçən gecə Moskvanın Marino rayonunda azərbaycanlılarla ermənilər arasında bir neçə toqquşma olub. Bundan əlavə, cümə günü gün ərzində Moskvanın müxtəlif rayonlarında bir neçə yeni toqquşma qeydə alınıb.