Bu gün intihar edən gənc Şəbnəmin qohumu imiş

Avqustun 11-də Gəncə şəhərində intihar edən 22 yaşlı Rzayev Pünhan Rəhman oğlunun müğənni Şəbnəm Tovuzlunun xalası oğlu olduğu məlum olub.

"Qanunyolu.info.az", “Qafqazinfo”-ya istinadən xəbər verir ki, bu barədə Axşam.az-a açıqlamasında sənətçinin özü deyib. O bildirib ki, Pünhanın borcu olub:

“Bilmirik nə oldu?! 5 min manat borcu var imiş. Pis kruqa düşüb, heç kimə deməyib. Mənə desəydi, onun borcunu ödəməzdim?! 5 min onun cavan canına qurban. Neçə-neçə insana əl tutmuşam. Pünhana da hər zaman kömək edirdim. Əsgərliyə gedəndə hər günü ilə maraqlandım. Xalam dünyasını dəyişib, ona görə də Pünhanı nəzarətsiz qoymurdum. Hər ay ona xərclik göndərirdim. Desəydi ki, bacı, vəziyyətim pisdir, belə oyuna düşmüşəm, edərdim. Bilmədik, onu məcbur ediblər, qorxub, yoxsa nə... Özünü gedib asıb”.