Abşeronda gənc qazilərlə görüş keçirildi - Foto
- 02.02.2021, 17:15,
- Sosial / Xəbər
Baxılıb: 50
Facebook
Вконтакте
Одноклассники
Google+
Bu gün “2 fevral – Azərbaycan Gəncləri Günü” münasibəti ilə Xırdalan şəhərindəki Şəhidlər Abidəsi ziyarət olunub, şəhidlərimizin əziz xatirəsi ehtiramla anılıb. "Qanunyolu.info.az" xəbər verir ki, bu barədə Abşeron RİH-nin mətbuat katibi Seymur Qasımov məlumat verib. Tədbirdə Abşeron Rayon İcra Hakimiyyətinin başçısı İradə Gülməmmədova, şəhid ailələri, qazilər, veteranlar, könüllülər və RİH yanında fəaliyyət göstərən İctimai Şuranın üzvləri iştirak edib.
İ.Gülməmmədova bildirib ki, Azərbaycan öz ərazi bötüvlüyünə şəhidlərimizin, qazilərimizin və ümumilikdə hərbçilərimizin sayəsində qovuşub: “Ali Baş Komandan, Prezident İlham Əliyevin iradəsi, qətiyyəti və doğru qərarları sayəsində qələbə qazandıq. 30 ilə yaxın öz dədə-baba torpaqlarından uzaq düşən soydaşlarımızın vətən həsrətinə son qoyuldu”.
Daha sonra İ.Gülməmmədova RİH binasında bir qrup gənc qazi və veteranla görüşüb, onların qayğıları, problemləri ilə maraqlanıb. Qazilər onları narahat edən məsələlərdən danışaraq işlə təmin olunmaqda və bir sıra sosial məsələlərdə köməklik göstərilməsini xahiş ediblər.
Müharibə iştirakçılarının qaldırdığı məsələlərin bir çoxu yerindəcə həll olunub. Müəyyən vaxt və vəsait tələb edən məsələlərlə bağlı isə aidiyyatı üzrə tapşırıqlar verilib.
