Ermənistanda bu dəfə əks-kəşfiyyat şöbəsinin rəisi işdən çıxarıldı

Ermənilər tərəfindən işğal edilmiş Azərbaycan torpaqlarının azad edilməsi ilə bağlı gedən hərbi əməliyyatlarda ard-arda məğlub olan Ermənistan rəhbərliyi ölkənin güc strukturlarında dəyişikliyə davam edir.

"Qanunyolu.info.az", “Qafqazinfo” -ya istinadən xəbər verir ki, Ermənistan Milli Təhlükəsizlik Xidmətinin əks-kəşfiyyat şöbəsinin rəisi, general-mayor Ovannes Karumyan tutduğu vəzifədən azad edilib.

Məlumatı Milli Təhlükəsizlik Xidmətinin mətbuat xidmətinin rəhbəri Artur Gorgian təsdiqləyib.

O, işdən çıxarılma səbəbləri barədə məlumat verməyib.

Xatırladaq ki, ötən gün də Ermənistan Milli Təhlükəsizlik Xidmətinin sərhəd qoşunları komandanı Vaqinak Sarkisyan tutduğu vəzifədən azad edilmişdi.