Süleyman Soyluya görə yolun bağlandığını dedi, nazir üzr istədi - Foto

Türkiyənin Daxili İşlər naziri Süleyman Soylunun Girəsuna sel fəlakətinə görə xilasetmə işlərinin aparıldığı bölgəyə getdiyi zaman yolun bağlanması yerli sakinin etirazına səbəb olub.

"Qanunyolu.info.az", "Qafqazinfo"-ya istinadən xəbər verir ki, yerli sakinin tvitterdə "Rəzalətə bax. Nazir gəlir deyə, yol 2 saat bağlı qalacaqmış" yazmasına nazirin özü cavab verib.

Belə ki, Süleyman Soyulu cavab olaraq tvitterdə məsələyə aydınlıq gətirib və bunları qeyd edib:

"Gəliş-gedişim cəmi yarım saatdır. Yolda deyildik, axtarma-xilasetmə bölgəsində idik. Verdiyim narahatlığa görə üzr istəyirəm".