Qırğızıstanın Baş Naziri ilə parlament spikeri istefa verdi
- 07.10.2020, 04:20,
- Siyasət
Baxılıb: 13
Facebook
Вконтакте
Одноклассники
Google+
Qırğızıstanın Baş Naziri Kubatbek Boronov və parlament spikeri Dastan Cumabekov istefa veriblər. "Qanunyolu.info.az", “Qafqazinfo” -ya istinadən bildirir ki, bu barədə “Sputnik Qırğızıstan” xəbər verib. Bu, parlamentin növbədənkənar iclasında açıqlanıb. İclas parlament binasının etirazçılar tərəfindən ələ keçirilməsi və orada yanğının baş verməsi səbəbindən “Dostuk” hotelində keçirilib.
Artıq məlumdur ki, ölkənin yeni Baş Naziri koloniyadan azad olunmuş müxalifətçi Sadır Japarov, yeni spikeri isə Mıktıbek Abdıldayevdir.
Qeyd edək ki, Qırğızıstanda parlament seçkilərinin nəticələri ilə razılaşmayan insanlar etiraz aksiyalarına başlayıb. Onlar Dövlət Milli Təhlükəsizlik Komitəsinin İstintaq Təcridxanasında həbsdə olan keçmiş prezident
Almazbek Atambayevi, həmçinin Moldovanovka kəndindəki koloniyada həbsdə olan keçmiş Baş Nazir
Sapar İsakovu azadlığa buraxıblar. Bundan başqa, onlar Bişkekin yeni merini
təyin ediblər.Qırğızıstanın Mərkəzi Seçki Komissiyası ölkədə keçirilən parlament seçkilərinin səsvermə nəticələrinin tanınmaması barədə qərar
qəbul edib.
