Dünən səhər saatlarında Tovuz rayonu ərazisində şiddətli döyüşlər zamanı şəhid olan polkovnik İlqar Mirzəyev II Fəxri Xiyabanda dəfn olunub.
"Qanunyolu.info.az", “Qafqazinfo” -ya istinadən xəbər verir ki, dəfn mərasimində Prezident Administrasiyasının nümayəndələri, Müdafiə Nazirliyinin, Səfərbərlik və Hərbi Xidmətə Çağırış üzrə Dövlət Xidmətinin, hüquq-mühafizə orqanlarının əməkdaşları, Milli Məclisin deputatları, ictimaiyyət nümayəndələri və şəhidin ailə üzvləri iştirak edib.
Şəhidin tabutuna bükülmüş Azərbaycan bayrağı övladına təhvil verilib.
