Hande Harmancı Quba səfərindən danışdı

“Rayonlara gedib-getməmək Operativ Qərargahın səlahiyyətində olan məsələdir”.

"Qanunyolu.info.az", “Qafqazinfo”nun verdiyi xəbərə istinadən, bunu ÜST-ün Azərbaycandakı nümayəndəliyinin rəhbəri Hande Harmancı deyib.

O qalmaqallı səfəri haqda da danışıb: “Quba səfərimlə bağlı onu deyə bilərəm ki, həmin gün küçəyə çıxma qadağası yox idi və mən insanların arasında deyildim”.

Xatırladaq ki, H. Harmancı iyunun 13-də Quba və Qusar rayonlarına səfərə getmişdi, bu da vətəndaşların müzakirəsinə səbəb olmuşdu. O, bununla bağlı üzr istəmişdi: “Bu paylaşımı yanlış zamanda etdiyimi qəbul edirəm və buna görə sizdən üzr istəyirəm”.