Qazaxıstan Prezidentinin mətbuat katibi koronavirusa yoluxdu

Qazaxıstan Prezidentinin mətbuat katibi Berik Uali koronavirusa yoluxub. "Qanunyolu.info.az", “Qafqazinfo”-ya istinadən bildirir ki, bu barədə “Sputnik Qazaxıstan” xəbər verib.

“Təəssüf ki, bütün ehtiyat tədbirlərinə baxmayaraq, son koronavirus testimin müsbət nəticə göstərdiyini bildirməliyəm. Hazırda xəstəxanada həkimlərin nəzarəti altındayam. Vəziyyətim qənaətbəxşdir”, - Berik Uali danışıb.

Mətbuat katibi qeyd edib ki, ölkə Prezidenti Kasım-Jomart Tokayev işini cədvələ uyğun davam etdirir, onun sağlamlığı üçün heç bir təhlükə yoxdur.

“Dövlət başçısı müntəzəm testdən keçir. Akordda sanitar rejim gücləndirilib, təhlükəsizlik tədbirləri sərtləşdirilib”, - Qazaxıstan sakinlərini karantin rejiminə ciddi əməl etməyə və profilaktik tədbirlər görməyə çağıran Uali bildirib.

Xatırladaq ki, Qazaxıstanda 12 511 nəfərdə koronavirus aşkarlanıb. 7 135 pasiyent sağalıb, 53 nəfər vəfat edib.