Həbs edilən polkovnik-leytenanta qarşı - Əlavə ittihamlar

İsmayıllı Rayon İcra Hakimiyyəti başçısının İsmayıllı şəhər inzibati ərazi dairəsi üzrə sabiq nümayəndəsi Əlişir Süleymanovun cinayət işi ilə bağlı əlavə epizodlar ortaya çıxıb.

“Qanunyolutv.az”-ın əldə etdiyi məlumata görə, ilkin istintaqın yekununda onun təqsirləndiriləcəyi bütün ittihamlar dəqiqləşib.

Əlişir Süleymanova qarşı daha əvvəlki təkrar və külli miqdarda rüşvət alma ittihamlarına əlavə olaraq, külli miqdarda mənimsəmə və ya israf etmə, vəzifə səlahiyyətlərindən sui-istifadə və vəzifə saxtakarlığı maddələri üzrə yeni ittihamlar irəli sürülüb.

Təqsiri məhkəmi istintaqı ilə sübuta yetirilərsə, Əlişir Süleymanov 12 ilə kimi həbsə məhkum edilə bilər.

Qeyd edək ki, Azərbaycan ordusunun ehtiyatda olan polkovnik-leytenantı Əlişir Süleymanov 6 ay əvvəl Baş Prokuror yanında Korrupsiyaya qarşı Mübarizə Baş İdarəsi tərəfindən həbs edilib.