Axtarışda olan qadın oğurluğa görə saxlanıldı - Foto

Qaxda 3 mağazadan müxtəlif əşyalar və qadına məxsus əl çantası oğurlayan şəxs saxlanılıb.

"Qanunyolu.info.az", DİN-ə istinadən xəbər verir ki, keçirilmiş əməliyyat-axtarış tədbirləri nəticəsində həmin oğurluqları edən şəxsin Ağdam şəhər sakini Yaqut İbrahimova olduğu müəyyən edilib. O, şübhəli şəxs qismində saxlanılaraq Polis Şöbəsinə gətirilib.

Y.İbrahimovanın əvvəllər də oğurluq və digər cinayət əməllərinə görə, dəfələrlə məhkum olunduğu və hal-hazırda təqsirləndirilən şəxs kimi axtarışda olduğu məlum olub.