Rəşad Dağlının dostunu güllələyən şəxsə hökm oxundu

İki il əvvəl Bakıda baş verən atışmaya görə həbs edilən Tural Nağıyevin cinayət işi üzrə məhkəmə prosesi yekunlaşıb.

“Qanunyolu.info.az” xəbər verir ki, Bakı Ağır Cinayətlər Məhkəməsinin hökmü ilə Tural Nağıyevə 13 il 6 ay azadlıqdan məhrum etmə cəzası verilib.

Qeyd edək ki, Tural Nağıyev Yasamalda kriminal aləmə yaxınlığı ilə bilinən Zülfü Muradovu və İlkin Bağıyevi avtomobildə güllələmiş, hər iki şəxs ağır yaralanmışdı. Hadisənin kriminal hesablaşma zəminində törədildiyi bildirilirdi.

Xatırladaq ki, güllələnən Zülfü Muradov tanınmış meyxanaçı Rəşad Dağlının dostu olub. Zülfü Muradov xəstəxanadan çıxandan sonra həbs edilib. O, narkotik vasitə əldə etmə və satma ittihamı ilə 6 il həbs cəzası alıb.