4 maşın toqquşdu, 50-dən çox heyvan tələf oldu - Foto

Bakı-Qazax avtomagistralında yol-nəqliyyat hadisəsi baş verib.

"Qanunyolu.info.az", “Qafqazinfo” xəbər verir ki, qəza yolun Goranboy rayonundan keçən hissəsində qeydə alınıb.

Qəfil yola çıxan xırdabuynuzlu heyvanları əvvəlcə yük maşını vurub. Ardından “Mersedes Vito” markalı avtomobil sürüyə çırpılıb.

Arxadan hərəkət edərək sürətini azaldan “Tofaş” markalı minik maşınına isə “Ford” markalı yük maşını çırpılıb.

Hadisə zamanı xəsarət alan olmasa da, 50-dən çox heyvan tələf olub, avtomobillərə ciddi ziyan dəyib.

Faktla bağlı araşdırma aparılır.