19 yaşlı oğlanı öldürən həmyaşıdı tutuldu - Yenilənib

Bakının Sabunçu rayonunda qətl hadisəsi baş verib.

“Qanunyolutv.az” APA-ya istinadən xəbər verir ki, hadisə Məhəmmədi qəsəbəsində qeydə alınıb.

İlkin məlumata görə, Zabrat-Məhəmmədi şossesinda dava zamanı 2004-cü il təvəllüdlü oğlan Sübhan Səfərov naməlum şəxs tərəfindən ürəyindən bıçaqlanıb. O, hadisə yerində ölüb.

Faktla bağlı cinayət işi başlanılıb.

Qətl hadisəsi ilə bağlı Baş Prokurorluq və Daxili İşlər Nazirliyinin birgə məlumat yayıb.

Bildirilib ki, Sabunçu rayonunda qeyri-aşkar şəraitdə törədilmiş ağır cinayətin “isti izlərlə” açılması təmin edilib.

Belə ki, iyunun 9-da rayon ərazisində 2003-cü il təvəllüdlü Sübhan Cəfərovun üzərində xəsarət izləri olan meyiti aşkar olunub. Əməlin 2003-cü il təvəllüdlü İlham Xanlarov tərəfindən törədilməsinə əsaslı şübhələr müəyyən edilib.

Faktla bağlı cinayət işi başlanıb. İlham Xanlarov polis əməkdaşları tərəfindən tutulub, istintaq davam edir.