Göyçay rayonunda bıçaqlanma hadisəsi baş verib.

"Qanunyolu.info.az" xəbər verir ki, rayon sakini, əvvəllər məhkum olunmuş Cəbrayılov Səməd Surxay oğlu yaşadığı evin qarşısında naməlum şəxslər tərəfindən bıçaqlanıb.

Səməd Cəbrayılov yaxınlarının köməkliyilə Göyçay Rayon Mərkəzi Xəstəxanasına çatdırılıb. Yaralı dərhal əməliyyat olunub. Hazırda vəziyyəti orta-ağırdır.

Qeyd edək ki, bəzi saytlar S.Cəbrayılovu Göyçay Rayon İcra Hakimiyyəti başçısı Mehdi Səlimzadənin qardaşı oğlu kimi rayon rəhbərinə qohumluq əlaqəsi kimi qeyd edir. Redaksiyamız RİH aparatı ilə əlaqə saxlayıb bu məsələ ilə bağlı araşdırma aparıb. Səməd Surxay oğlu Cəbrayılov Göyçay rayon İcra hakimiyyəti başçısı Mehdi İldırım oğlu Səlimzadəyə heç bir qohumluq əlaqəsi olmadığı bildirildi.

Rayon İcra hakimiyyətindən bildirildi ki, o, yəni Səməd Cəbrayılov bir müddət əvvəl Göyçay Rayon Gənclər Mərkəzinin rəhbəri və İcra Hakimiyyətində şöbə müdiri vəzifələrində çalışıb. Vəzifə səlahiyyətlərini aşma, rayon rəhbərinin adından öz şəxsi mənafeyi naminə istifadə, yalan vədlər verərək vətəndaşları aldatma, nizam-intizam qaydalarını pozduğuna görə tutduğu vəzifədən azad olunub. Sonradan özgə əmlakın mənimsəmə, oğurluq hadisəsinə görə cinayət işi qaldırılıb, hazırda icbari olaraq şərti azadlıqdadır.

Diqqətinizə onu da çatdırmaq istəyirəm ki, o, əvvəldə cinayət tərkibli əməlləri törədərkən icra başçısı Mehdi Səlimzadənin adından sui-istifadə edərək özünü onun qohumu kimi təqdim etmişdir. Rayonda sürdüyü bahalı maşınlara hər zaman diqqətdə olan Səməd Cəbrayılov barəsində tez - tez sosıal şəbəkələrdə və saytlarda məlumat dərc olunurdu. Rayon sakinlərinin verdiyi məlumata görə, Səməd Cəbrayılov deputat Elxan Süleymanovun da qohumudu.

Baş vermiş hadisəyə gəldikdə faktla bağlı Polis idarəsində araşdırma aparılır.